Kocha Mkuu wa Songea United, Abdul Mingange, amekubali ubora wa Yanga baada ya timu yake kupokea kichapo katika mchezo wa 16 bora wa Kombe la Shirikisho (FA).
Akizungumza baada ya mechi, Mingange alisema walijiandaa kwa muda mrefu wakifahamu wanakutana na timu inayoongoza Ligi Kuu Tanzania Bara. Alieleza kuwa waliweka mkazo kwenye ulinzi ili kuepuka adhabu kubwa, lakini ubora wa Yanga uliamua matokeo.
Licha ya makosa ya safu yake ya ulinzi yaliyoigharimu timu yake, Mingange aliwapongeza wachezaji wake kwa kufuata maelekezo na kuruhusu magoli machache. Ameahidi kuyafanyia kazi makosa aliyoyaona na kuwataka wachezaji wake wasikate tamaa, bali waendelee kupambana kwenye ligi yao.
