ARNE Slot alionja kipigo chake cha kwanza akiwa kocha wa Liverpool juzi, Jumamosi wakati timu yake ilipofungwa bao 1-0 na Nottingham Forest kwenye Ligi Kuu England, huku kocha mgeni Nuno Espirito Santo akimshinda Mholanzi huyo katika pambano la kuvutia.
Forest walipata mbinu zao, wakiweka eneo la katikati ya uwanja na kuwasogeza nje wachezaji wakubwa wa Liverpool. Na ingawa wenyeji walipata nafasi nzuri katika kipindi cha kwanza, hawakuwa na bahati mbele ya lango.
“Matokeo hayo yanafadhaisha zaidi, na hatuwezi kufurahishwa na jinsi mchezo ulivyoenda. Ulikuwa ni mchezo wa kuanzia na hatukutengeneza nafasi zozote,” alisema Slot.
“Tunapaswa tu kujiangalia – tunapaswa kuwa bora zaidi. Mara nyingi sana tulipoteza mpira karibu na eneo hilo, haikuwa nzuri vya kutosha. Lazima tuwe bora zaidi tukiwa na mpira.”
Safu dhabiti ya Forest inaweza kuwa imewaacha Liverpool wakiwa na uhaba wa nafasi, lakini walikuwa maadui wao wakubwa nyakati fulani na wachezaji wa akiba Anthony Elanga na Callum Hudson-Odoi walijumuika na kufunga bao kwenye kaunta na kudai pointi tatu kwa wageni.
“Maamuzi yetu na utekelezaji haukuwa mzuri vya kutosha. Kwa ujumla tulijilinda vizuri, lakini wachezaji wawili wenye kasi walikuja na kuifanya iwe ngumu. Tulichukua hatari kubwa na mwishowe lilikuwa bao zuri sana,” aliongeza Slot.
Kocha wa Forest Mreno Espirito Santo alifurahishwa na jinsi timu yake ilivyotekeleza mpango wa mchezo.
“Njia pekee ya kufikia chochote hapa ni ikiwa umejipanga na kufanya kila kitu unachoweza,” alisema.
“Unapoanza jinsi tulivyoanza na mawinga wetu Nico Dominguez na Elliot Anderson, juhudi zote za kuwafuatilia mabeki wa pembeni wa Liverpool, ni nguvu kubwa.”
Baada ya kupamba na kushuka daraja katika misimu iliyopita, Forest wanajikuta katika nafasi ya nne wakiwa na pointi nane katika michezo minne baada ya kushinda. Liverpool wanashika nafasi ya pili wakiwa na tisa.
“Tunafanya kazi kwa bidii, na ni juu ya kujenga na kuamini wazo hili ambalo unaweza kuliendeleza,” Espirito Santo alisema.
Chanzo: Nipashe
